205 do we forði. so doð ðis der . ðanne be we derue.
On ðat dai ðat dom sal ben . ðat it ne us harde rewe.
Seke we ure liues fod . ðat we ben siker ðere.
So ðis wirm in winter is . ðan ge ne tileð nummore.
ðe mire suneð ðe barlic ðanne ge fint te wete.
210 ðe olde lage we ogen to sunen . ðe newe we hauen moten.
ðe corn ðat ge to caue bereð . all ge it bit otwinne.
ðe lage us lereð to don god . ⁊ forbedeð us sinne.
It bet us erðliche bodes . ⁊ bekned euelike.
It fet ðe licham ⁊ te gost . oc nowt o geuelike.