Giue hies for godes luue; þenne deþ hes wel ihalden.
Vre swinc ⁊ ure tilþe is ofte iwoned to swinden.
Ach þ̵ þe we doð for godes luue; eft we sculen al finden.
Ne scal nan ufel bon un bocht. ne nan god unforȝolden.
60 vfel we doþ al to muchel. ⁊ god lesse þenne we sculden.
Þo þe mest doð nu to gode. ⁊ þe lest to laðe.
Eiðer to lutel ⁊ to muchel scal þunchen eft hom baþe.
Þer me scal ure werkes weien bi foran þe heuen king.
and ȝeuen us ure swinkes lan efter ure erninge.
65 Ech mon mid þ̵ he hauet. mei buggen houene riche.