¶ The archdekyn of Essex[21] that had ben longe in auctorite, in a tyme of vysytacyon, whan all the prestys apperyd before hym, called asyde iii of the yonge prestys which were acusyd that thy could not wel say theyr dyvyne seruyce, and askyd of them when they sayd mas, whether they sayd corpus meus or corpum meum. The fyrst prest sayde that he sayd corpus meus. The second sayd that he sayd corpum meum. And than he asked of the thyrd how he sayde; whyche answered and sayd thus: syr, because it is so great a dout and dyuers men be in dyuers opynyons: therfore because I wolde be sure I wolde not offende, whan I come to the place I leue it clene out and say nothynge therfore. Wherfore the bysshoppe than openly rebuked them all thre. But dyuers that were present thought more defaut in hym, because he hym selfe beforetyme had admytted them to be prestys.

By this tale ye may se that one ought to take hede how he rebukyth an other lest it torne moste to his owne rebuke.

Of two freres whereof the one loued nat the ele heed nor the other the tayle. xiii.

¶ Two freres satte at a gentylmans tabyll, whiche had before hym on a fastyng day an ele and cut the hed of the ele and layd it vpon one of the frerys trenchars; but the frere, bycause he wold haue had of the middle parte of the ele, sayd to the gentylman he louyd no ele hedes. Thys gentylman also cut the tayle of the ele, and layde it on the other frerys trenchar. He lyke wyse, because he wolde haue had of the myddle parte of the ele, sayde he loued no ele tayles. This gentylman, perceuynge that, gaue the tayle to hym that sayd he louyd not the hed, and gaue the hed to hym that sayd he loued not the tayle. And as fore the myddell part of the ele, he ete parte hym selfe and parte he gaue to other folke at the table; wherfore these freres for anger wolde ete neuer a morsell, and so they for al theyr craft and subtylte were not only deceyued of the best morsell of the ele, but thereof had no parte at all.

By this ye se that they that couet the best parte somtyme therfore lese the meane parte and all.

Of the welche man that shroue hym for brekynge of hys faste on the fryday. xiv.

¶ A Welcheman, dwellynge in a wylde place of Walys, cam to hys curate in the tyme of Lente and was confessyd; and when hys confessyon was in maner at the end, the curate askyd hym, and[22] he had any other thyng to say that greuyd his conscience. Which sore abasshid answered no worde a great whyle; at last by exhortacyon of his goostly fader he sayde that there was one thyng in his mynde that greatly greued his conscyence, which he was asshamed to vtter: for it was so greuous that he trowed God wold neuer forgyue hym. To whom the curate answerd and sayd, that Goddes mercy was aboue all, and bad hym not dyspayre in the mercy of God. For what so euer it was, yf he were repentant, that God wolde forgyue hym. ¶ And so by longe exortacyon at the last he shewyd it and seyde thus. Syr, it happenyd ones that, as my wyfe was makynge a chese vpon a Fryday, I wolde fayne haue sayed whether it had ben salt or fresshe, and toke a lytyll of the whey in my hande, and put it in my mouthe; and or[23] I was ware, parte of it went downe my throte agaynst my wyll and so I brake my faste. To whom the curate sayde: and if there be non other thynge, I warant God shall forgyue the. So whan he had well comforted hym with the mercy of God, the curate prayed hym to answere a questyon and to tell hym trueth; and when the welchman had promysed to tell the truth, the curate sayd that there were robberyes and murders done nye the place where he dwelte and diuers men found slayn; and asked hym whether he knew ought poyntynge[24] to any of them. To whom he answeryd and sayd yes and sayd he had ben priuye to many of them, and dyd helpe to robe and to slee dyuers of them. Then the curate asked hym, why he dyd not conffesse hym therof. The Welshman answeryd and sayde he toke that for no synne: for it was a custome amongest them that, when any boty cam of any ryche merchant rydyng, that it was but a trewe neyboure dede one to help another when one callyd another; and so they held it but for good felowshyp and neyghbourhood.

Here maye ye se that some haue remorse of conscyence of small venyall sinnis and fere not to do gret offencys without shame of the worled[25] or drede of God; and, as the comon prouerbe is, they stumble at a strawe and lepe ouer a blocke.