By this tale ye may vnderstande, that they that go about to disceyue other, be often tymes disceyued them selfe. And some tyme one fallethe in the dytche, that he him selfe made.
¶ Of him that was called cuckolde. xvii.
¶ A certayne man, whiche vpon a tyme in company betwene ernest and game was called cuckolde, went angerly home to his wife and sayde: wyfe, I was this day in company called kockolde; whether am I one or nat? Syr, truly, sayde she, ye be none. By my fayth (sayde he), thou shall swere so vpon this boke; and helde to her a boke. She denyed it longe; but whan she sawe there was no remedy, she sayde: well, sythe I must nedes swere, I promyse you by my faythe, I will swere truly. Yea, do so, quod he. So she toke the boke in her hande and sayd: By this boke, syr, ye be a cokolde. By the masse, hore, sayd he, thou lyest! thou sayste it for none other cause but to anger me.
By this tale ye may parceyue, that it is nat best at all tymes for a man to beleue his wife, though she swere vpon a boke.
¶ Of the iolous man. xviii.
¶ A man that was ryght iolous on his wyfe, dreamed on a nyght as he laye a bed with her and slepte, that the dyuell aperd vnto him and sayde: woldest thou nat be gladde, that I shulde put the in suretie of thy wife? Yes, sayde he. Holde, sayde the dyuell, as longe as thou hast this rynge vpon thy fynger, no man shall make the kockolde. The man was gladde therof, and whan he awaked, he founde his fynger in * * * * * * * *.