This fable sheweth that holsom thynges to them, that lacke knowlege and experyence, seme hurtfull.

Of hym that feyned hym selfe deed to proue what his wyfe wolde do. lxxxii.

¶ A yonge married man on a time, to proue, to here and to se what his wyfe wolde do, if he were deed, came in to his house, whyle his wyfe was forthe wasshynge of clothes, and layd him downe in the floore, as he had ben deed. Whan his wyfe came in, and sawe him lye so, she thought he had ben deed in dede; wherfore she stode euen stylle, and deuysed with her selfe whether was better to bewayle his dethe forth with, or els to dyne fyrste; for she had eate of nomeate[268] all the day. All other thinges consydered, she determined to dyne fyrste. So she cut a coloppe of baken, and broyled it on the coles, and began to eate theron a pace; she was so hungrye, that she toke no hede of drynke. At laste, the saltenes of the meate made her to thyrste so sore, that she muste nedes drynke. So, as she toke the potte in her hande, and was goyng downe into her seller to drawe drynke, sodaynely came one of her neyghbours for a cole o' fyre.[269] Wherfore she stepped backe quickely, and though she was right thyrsty, yet she sette the potte a syde; and as [if] her husbande had than fallen downe deed, she beganne to wepe, and with many lamentable wordes to bewayle his dethe; which wepynge and walyng and sodaine dethe of her husbande caused all the neyghbours to come thyther. The man laye stylle in the floore, and so helde his brethe, and closed his eies, that he semed for certayne to be deade. At laste, whanne he thought he had made pastyme inough, and herynge his wyfe saye thus: alas! dere husbande, what shall I do nowe? he loked vp and sayde: full yll, my swete wyfe, excepte ye go quyckely and drynke; wherwith they al from wepyng tourned to laughynge, specially whan they vnderstode the matter and the cause of her thyrste.

Wherby ye may se, that nat without a good skyl the poet sayde:

Ut flerent oculos erudiere suos.

Of the poure man, into whose house theues brake by nyghte.[270] lxxxiii.

¶ There was a poore man on a tyme, the whiche vnto theues, that brake into his house on nyght, he sayde on this wyse: syrs, I maruayle, that ye thynke to fynde any thyng here by nyght: for I ensure you I can fynd nothing, whan it is brode day.

By this tale appereth playnly
That pouerte is a welthy mysery.