& vnder fete, on þe flet, of fol3ande sute.
Þer he wat3 dispoyled, wyth speche3 of myerþe,
Þe burn of his bruny, & of his bry3t wede3;
Ryche robes ful rad renkke3 hem3 bro3ten,
For to charge, & to chaunge, & chose of þe best.
Sone as he on hent, & happed þer-inne,
Þat sete on hym4 semly, wyth saylande skyrte3,
Þe ver by his uisage verayly hit semed
Wel ne3 to vche haþel alle on hwes,
Lowande & lufly, alle his lymme3 vnder,