Wat3 grayþed for sir Gawan, grayþely with cloþe3,
Whyssynes vpon queldepoyntes, þa[t] koynt wer boþe;
& þenne a mere mantyle wat3 on þat mon cast,
Of a broun bleeaunt, enbrauded ful ryche,
& fayre furred wyth-inne with felle3 of þe best,
Alle of ermyn in erde, his hode of þe same;
& he sete in þat settel semlych ryche,
& achaufed hym chefly,1 & þenne his cher mended.
Sone wat3 telded vp a tapit, on treste3 ful fayre,
Clad wyth a clene cloþe, þat cler quyt schewed,