Rungen ful rychely, ry3t as þay schulden,
To þe hersum euensong of þe hy3e tyde.
Þe lorde loutes þerto, & þe lady als,
In-to a comly closet coyntly ho entre3;
Gawan glyde3 ful gay, & gos þeder sone;
Þe lorde laches hym by þe lappe, & lede3 hym to sytte,
& couþly hym knowe3, & calle3 hym his nome,
& sayde he wat3 þe welcomest wy3e of þe worlde;
& he hym þonkked þroly, & ayþer halched oþer.
& seten soberly samen þe seruise-quyle;