"For soþe sir," quod þe segge, "3e sayn bot þe trawþe
A he3e ernde & a hasty me hade fro þo wone3,
For I am sumned my selfe to sech to a place,
I wot2 in worlde wheder warde to wende, hit to fynde;
I nolde, bot if I hit negh my3t on nw3eres morne,
For alle þe londe in-wyth Logres, so me oure lorde help!
For-þy, sir, þis enquest I require yow here,
Þat 3e me telle with trawþe, if euer 3e tale herde
Of þe grene chapel, quere hit on grounde stonde3,
& of þe kny3t þat hit kepes, of colour of grene?