Lepen vp ly3tly, lachen her brydeles,
Vche wy3e on his way, þer hym wel lyked.
Þe leue lorde of þe londe wat3 not þe last,
A-rayed for þe rydyng, with renkke3 ful mony;
Ete a sop hastyly, when he hade herde masse,
With bugle to bent felde he buske3 by-lyue;
By þat þat any day-ly3t lemed vpon erþe,
He with his haþeles on hy3e horsses weren.
Þenne þise cacheres þat couþe, cowpled hor hounde3,
Vnclosed þe kenel dore, & calde hem þer-oute,