Þat siþen depreced prouinces, & patrounes bicome
Welne3e of al þe wele in þe west iles,
Fro riche Romulus to Rome ricchis hym swyþe,
With gret bobbaunce þat bur3e he biges vpon fyrst,
& neuenes hit his aune nome, as hit now hat;
Ticius to Tuskan [turnes,] & teldes bigynnes;
Langaberde in Lumbardie lyftes vp homes;
& fer ouer þe French flod Felix Brutus
On mony bonkkes ful brode Bretayn he sette3,
wyth wynne;