"In god fayth," quod Gawayn, "gayn hit me þynkke3,
Þa3 I be not now he þat 3e of speken;
To reche to such reuerence as 3e reherce here
I am wy3e vn-worþy, I wot wel my-seluen;
Bi God, I were glad, & yow god þo3t,
At sa3e oþer at seruyce þat I sette my3t
To þe plesaunce of your prys, hit were a pure ioye."
"In god fayth, sir Gawayn," quod þe gay lady,
"Þe prys & þe prowes þat plese3 al oþer,
If I hit lakked, oþer set at ly3t, hit were littel daynté;