Of dos & of oþer dere, to deme were wonder.
Þenne fersly þay flokked in folk at þe laste,
& quykly of þe quelled dere a querré þay maked;
Þe best bo3ed þerto, with burne3 in-noghe,
Gedered þe grattest of gres þat þer were,
& didden hem derely vndo, as þe dede aske3;
Serched hem at þe asay, summe þat þer were,
Two fyngeres þay fonde of þe fowlest of alle;
Syþen þay slyt þe slot, sesed þe erber,
Schaued wyth a scharp knyf, & þe schyre knitten;