Teche3 hym to þe tayles of ful tayt bestes,
Schewe3 hym þe schyree grece schorne vpon rybbes.
"How paye3 yow þis play? haf I prys wonnen?
Haue I þryuandely þonk þur3 my craft serued?"
"3e I-wysse," quod þat oþer wy3e, "here is wayth fayrest
Þat I se3 þis seuen 3ere in sesoun of wynter."
"& al I gif yow, Gawayn," quod þe gome þenne,
"For by a-corde of couenaunt 3e craue hit as your awen."
"Þis is soth," quod þe segge, "I say yow þatilke,
&1 I haf worthyly þis wone3 wyth-inne,