& efte in her bourdyng þay bayþen in þe morn,
To fylle þe same forwarde3 þat þay by-fore maden,
Þat chaunce so bytyde3 hor cheuysaunce to chaunge,
What nwe3 so þay nome, at na3t quen þay metten
Þay acorded of þe couenaunte3 byfore þe court alle;
Þe beuerage wat3 bro3t forth in bourde at þat tyme;
Þenne þay louelych le3ten leue at þe last,
Vche burne to his bedde busked bylyue.
Bi þat þe coke hade crowe31 & cakled bot þryse,
Þe lorde wat3 lopen of his bedde, [&] þe leude3 vch one,