He ly3tes luflych1 adoun, leue3 his corsour,
Brayde3 out a bry3t bront, & bigly forth stryde3,
Founde3 fast þur3 þe forth, þer þe felle byde3,
Þe wylde wat3 war of þe wy3e with weppen in honde,
Hef hy3ly þe here, so hetterly he fnast,
Þat fele ferde for þe freke3,2 lest felle hym þe worre;
Þe swyn sette3 hym out on þe segge euen,
Þat þe burne & þe bor were boþe vpon hepe3,
In þe wy3t-est of þe water, þe worre hade þat oþer;
For þe mon merkke3 hym wel, as þay mette fyrst,