Trayle3 ofte a trayteres4, bi traunt of her wyles;
A kenet kryes þerof, þe hunt on hym calles,
His fela3es fallen hym to, þat fnasted ful þike,
Runnen forth in a rabel, in his ry3t fare;
& he fyske3 hem by-fore, þay founden hym sone,
& quen þay seghe hym with sy3t, þay sued hym fast,
Wre3ande h[ym] ful [w]eterly with a wroth noyse;
& he trantes & tornayee3 þur3 mony tene greue;
Hamloune3, & herkene3, bi hegge3 ful ofte;
At þe last bi a littel dich he lepe3 ouer a spenné,