Ofte he wat3 runnen at, when he out rayked,
& ofte reled in a3ayn, so reniarde wat3 wylé.
& 3e he lad hem bi lag, mon, þe lorde & his meyny;
On þis maner bi þe mountes, quyle myd, ouer, vnder,
Whyle þe hende kny3t at home holsumly slepe3,
With-inne þe comly cortynes, on þe colde morne.
Bot þe lady for luf let not to slepe,
Ne þe purpose to payre, þat py3t in hir hert,
Bot ros hir vp radly, rayked hir þeder,
In a mery mantyle, mete to þe erþe,