"If 3e renay my rynk, to ryche for hit seme3,
3e wolde not so hy3ly halden be to me,
I schal gif yow my girdel, þat gaynes yow lasse."
Ho la3t a lace ly3tly, þat2 leke vmbe hir syde3,
Knit vpon hir kyrtel, vnder þe clere mantyle,
Gered hit wat3 with grene sylke, & with golde schaped,
No3t bot arounde brayden, beten with fyngre3;
& þat ho bede to þe burne, & blyþely bi-so3t
Þa3 hit vn-worþi were, þat he hit take wolde.
& he nay þat he nolde neghe in no wyse,