Renaud com richchande þur3 a ro3e greue,
& alle þe rabel in a res, ry3t at his hele3.
Þe wy3e wat3 war of þe wylde, & warly abides,
& brayde3 out þe bry3t bronde, & at þe best caste3;
& he schunt for þe scharp, & schulde haf arered,
A rach rapes hym to, ry3t er he my3t,
& ry3t bifore þe hors fete þay fel on hym alle,
& woried me þis wyly wyth a wroth noyse.
Þe lorde ly3te3 bilyue, & cache3 by1 sone,
Rased hym ful radly out of þe rach mouþes,