Your honour, at þis hy3e fest, þe hy3e kyng yow 3elde!
I 3ef yow me for on of youre3, if yowre-self lyke3,
For I mot nedes, as 3e wot, meue to morne;
& 3e me take sum tolke, to teche, as 3e hy3t,
Þe gate to þe grene chapel, as god wyl me suffer
To dele, on nw3ere3 day, þe dome of my wyrdes."
"In god fayþe," quod þe god mon. "wyth a goud wylle;
Al þat euer I yow hy3t, halde schal I rede."
Þer asyngnes he a seruaunt, to sett hym in þe waye,
& coundue hym by þe downe3, þat he no drechch had,