& fele þryuande þonkke3 he þrat hom to haue,
& þay 3elden hym a3ay[n] 3eply þat ilk;
Þay bikende hym to Kryst, with ful colde sykynge3.
Syþen fro þe meyny he menskly de-partes;
Vche mon þat he mette, he made hem a þonke,
For his seruyse, & his solace, & his sere pyne,
Þat þay wyth busynes had ben, aboute hym to serue;
& vche segge as sore, to seuer with hym þere,
As þay hade wonde worþyly with þat wlonk euer.
Þen with ledes & ly3t he wat3 ladde to his chambre,