Wolde 3e worch bi my wytte, 3e worþed þe better.
Þe place þat 3e prece to, ful perelous is halden;
Þer wone3 a wy3e in þat waste, þe worst vpon erþe;
For he is stiffe, & sturne, & to strike louies,
& more he is þen any mon vpon myddelerde,
& his body bigger þen þe best fowre.
Þat ar in Arþure3 hous, Hestor1 oþer oþer.
He cheue3 þat chaunce at þe chapel grene;
Þer passes non bi þat place, so proude in his armes,
Þat he ne dynne3 hym to deþe, with dynt of his honde;