As þou hade3 neuer forfeted, syþen þou wat3 fyrst borne.
& I gif þe, sir, þe gurdel þat is golde hemmed;
For hit is grene as my goune, sir G:, 3e maye
Þenk vpon þis ilke þrepe, þer þou forth þrynge3
Among prynces of prys, & þis a pure token
Of þe chaunce of þe grene chapel, at cheualrous kny3te3;
& 3e schal in þis nwe 3er a3ayn to my wone3,
& we schyn reuel þe remnaunt of þis ryche fest,
ful bene."
Þer laþed hym fast þe lorde,