& comaunde3 me to þat cortays, your comlych fere,
Boþe þat on & þat oþer, myn honoured ladye3.
Þat þus hor kny3t wyth hor kest han koyntly bigyled.
Bot hit is no ferly, þa3 a fole madde,
& þur3 wyles of wymmen be wonen to sor3e;
For so wat3 Adam in erde with one bygyled,
& Salamon with fele sere, & Samson eft sone3,
Dalyda dalt hym hys wyrde, & Dauyth þer-after
Wat3 blended with Barsabe, þat much bale þoled.
Now þese were wrathed wyth her wyles, hit were a wynne huge,