& mony a-venture in vale, & venquyst ofte,
Þat I ne ty3t, at þis tyme, in tale to remene.
Þe hurt wat3 hole, þat he hade hent in his nek,
& þe blykkande belt he bere þeraboute,
A belef as a bauderyk, bounden bi his syde,
Loken vnder his lyfte arme, þe lace, with a knot,
In tokenyng he wat3 tane in tech of a faute;
& þus he commes to þe court, kny3t al in sounde.
Þer wakned wele in þat wone, when wyst þe grete,
Þat gode G: wat3 commen, gayn hit hym þo3t;