Watȝ tried for his tricherie, þe trewest on erthe;
Hit watȝ Ennias þe athel, & his highe kynde,
Þat siþen depreced prouinces, & patrounes bicome
Welneȝe of al þe wele in þe west iles,
Fro riche Romulus to Rome ricchis hym swyþe,
With gret bobbaunce þat burȝe he biges vpon fyrst,
& neuenes hit his aune nome, as hit now hat;
Ticius to Tuskan [turnes,] & teldes bigynnes;
Langaberde in Lumbardie lyftes vp homes;
& fer ouer þe French flod Felix Brutus