Of a kynge3 capados, þat closes his swyre.
Þe mane of þat mayn hors much to hit lyke,
Wel cresped & cemmed wyth knottes ful mony,
Folden in wyth fildore aboute þe fayre grene,
Ay a herle of þe here, an oþer of golde;
Þe tayl & his toppyng twynnen of a sute,
& bounden boþe wyth a bande of a bry3t grene,
Dubbed wyth ful dere stone3, as þe dok lasted,
Syþen þrawen wyth a þwong a þwarle knot alofte,
Þer mony belle3 ful bry3t of brende golde rungen.