[Fol. 96.]
Þen comaunded þe kyng þe knyȝt for to ryse;
& he ful radly vp ros, & ruchched hym fayre,
Kneled doun bifore þe kyng, & cacheȝ þat weppen;
& he luflyly hit hym laft, & lyfte vp his honde,
& gef hym goddeȝ blessyng, & gladly hym biddes
Þat his hert & his honde schulde hardi be boþe.
"Kepe þe cosyn," quod þe kyng, "þat þou on kyrf sette,
& if þou redeȝ hym ryȝt, redly I trowe,
Þat þou schal byden þe bur þat he schal bede after.