For I haf sen a selly, I may not for-sake."
He glent vpon sir Gawen, & gaynly he sayde,
"Now sir, heng vp þyn ax, þat hatȝ in-nogh hewen."
& hit watȝ don abof þe dece, on doser to henge,
Þer alle men for meruayl myȝt on hit loke,
& bi trwe tytel þer-of to telle þe wonder.
Þenne þay boȝed to a borde þise burnes to-geder,
Þe kyng & þe gode knyȝt, & kene men hem serued
Of alle dayntyeȝ double, as derrest myȝt falle,
Wyth alle maner of mete & mynstralcie boþe;