Offred & honoured at þe heȝe auter;
Syþen he comeȝ to þe kyng & to his cort fereȝ,
Lacheȝ lufly his leue at lordeȝ & ladyeȝ;
& þay hym kyst & conueyed, bikende hym to kryst.
Bi þat watȝ Gryngolet grayth, & gurde with a sadel,
Þat glemed ful gayly with mony golde frenges,
Ay quere naylet ful nwe for þat note ryched;
Þe brydel barred aboute, with bryȝt golde bounden;
Þe apparayl of þe payttrure, & of þe proude skyrteȝ,
Þe cropore, & þe couertor, acorded wyth þe arsouneȝ;