Þat þou, leude, schal be lost, þat art of lyf noble!
To fynde hys fere vpon folde, in fayth is not eþe;
Warloker to haf wroȝt had more wyt bene,
& haf dyȝt ȝonder dere a duk to haue worþed;
A lowande leder of ledeȝ in londe hym wel semeȝ,
& so had better haf ben þen britned to noȝt,
Hadet wyth an aluisch mon, for angardeȝ pryde.
Who knew euer any kyng such counsel to take,
As knyȝteȝ in cauelounȝ on cryst-masse gomneȝ!"
Wel much watȝ þe warme water þat waltered of yȝen,