Þat pitosly þer piped for pyne of þe colde.
Þe gome vpon Gryngolet glydeȝ hem vnder,
Þurȝ mony misy & myre, mon al hym one,
Carande for his costes, lest he ne keuer schulde,
To se þe seruy1 of þat syre, þat on þat self nyȝt
Of a burde watȝ borne, oure baret to quelle;
& þerfore sykyng he sayde, "I be-seche þe, lorde,
& Mary, þat is myldest moder so dere.
Of sum herber, þer heȝly I myȝt here masse.
Ande þy matyneȝ to-morne, mekely I ask,