Rudeleȝ rennande on ropeȝ, red golde ryngeȝ,
Tapyteȝ tyȝt to þe woȝe, of tuly & tars,
& vnder fete, on þe flet, of folȝande sute.
Þer he watȝ dispoyled, wyth specheȝ of myerþe,
Þe burn of his bruny, & of his bryȝt wedeȝ;
Ryche robes ful rad renkkeȝ hem3 broȝten,
For to charge, & to chaunge, & chose of þe best.
Sone as he on hent, & happed þer-inne,
Þat sete on hym4 semly, wyth saylande skyrteȝ,
Þe ver by his uisage verayly hit semed