Hit watȝ neȝ at þe niyȝt neȝed þe tyme;
Chaplayneȝ1 to þe chapeles chosen þe gate,
Rungen ful rychely, ryȝt as þay schulden,
To þe hersum euensong of þe hyȝe tyde.
Þe lorde loutes þerto, & þe lady als,
In-to a comly closet coyntly ho entreȝ;
Gawan glydeȝ ful gay, & gos þeder sone;
Þe lorde laches hym by þe lappe, & ledeȝ hym to sytte,
& couþly hym knoweȝ, & calleȝ hym his nome,
& sayde he watȝ þe welcomest wyȝe of þe worlde;