"I-wysse, worþy," quod þe wyȝe, "ȝe haf waled wel better,
Bot I am proude of þe prys þat ȝe put on me,
& soberly your seruaunt my souerayn I holde yow,
& yowre knyȝt I be-com, & Kryst yow for-ȝelde."
Þus þay meled of much-quat, til myd-morn paste,
& ay þe lady let lyk, a1 hym loued mych;
Þe freke ferde with defence, & feted ful fayre.
Þaȝ I were burde bryȝtest, þe burde in mynde hade,
Þe lasse luf in his lode, for lur þat he soȝt,
boute hone;