Þen al in a semblé sweyed to-geder,
Bitwene a flosche in þat fryth, & a foo cragge;
In a knot, bi a clyffe, at þe kerre syde,
Þer as þe rogh rocher vn-rydely watȝ fallen,
[Þay] ferden to þe fyndyng, & frekeȝ hem after;
Þay vmbe-kesten þe knarre & þe knot boþe.
Wyȝeȝ, whyl þay wysten wel wyt inne hem hit were,
Þe best þat þer breued watȝ wyth þe blod houndeȝ.
Þenne þay beten on þe buskeȝ, & bede hym vp ryse,
& he vnsoundyly out soȝt seggeȝ ouer-þwert,