For þat durst I not do, lest I denayed were,
If I were werned, I were wrang I-wysse, ȝif I profered."
"Ma fay," quod þe mere wyf, "ȝe may not be werned,
Ȝe ar stif in-noghe to constrayne wyth strenkþe, ȝif yow lykeȝ,
Ȝif any were so vilanous þat yow denaye2 wolde."
"Ȝe, be God," quod Gawayn, "good is your speche,
Bot þrete is vn-þryuande in þede þer I lende,
& vche gift þat is geuen not with goud wylle;
I am at your comaundement, to kysse quen yow lykeȝ,
Ȝe may lach quen yow lyst, & leue quen yow þynkkeȝ,