& swere swyftel[y] his sothe, þat he hit sese nolde;
& ho sore þat he forsoke, & sayde þer-after,
"If ȝe renay my rynk, to ryche for hit semeȝ,
Ȝe wolde not so hyȝly halden be to me,
I schal gif yow my girdel, þat gaynes yow lasse."
Ho laȝt a lace lyȝtly, þat2 leke vmbe hir sydeȝ,
Knit vpon hir kyrtel, vnder þe clere mantyle,
Gered hit watȝ with grene sylke, & with golde schaped,
Noȝt bot arounde brayden, beten with fyngreȝ;
& þat ho bede to þe burne, & blyþely bi-soȝt