Þat for-gat not Gawayn, for gode of hym-seluen;
Bi he hade belted þe bronde vpon his balȝe hauncheȝ,
Þenn dressed he his drurye double hym aboute;
Swyþe sweþled vmbe his swange swetely, þat knyȝt,
Þe gordel of þe grene silke, þat gay wel bisemed,
Vpon þat ryol red cloþe, þat ryche watȝ to schewe.
Bot wered not þis ilk wyȝe for wele þis gordel,
For pryde of þe pendaunteȝ, þaȝ polyst þay were,
& þaȝ þe glyterande golde glent vpon endeȝ,
Bot forto sauen hym-self, when suffer hym by-houed,