& he ful radly vp ros, & ruchched hym fayre,
Kneled doun bifore þe kyng, & cache3 þat weppen;
& he luflyly hit hym laft, & lyfte vp his honde,
& gef hym godde3 blessyng, & gladly hym biddes
Þat his hert & his honde schulde hardi be boþe.
"Kepe þe cosyn," quod þe kyng, "þat þou on kyrf sette,
& if þou rede3 hym ry3t, redly I trowe,
Þat þou schal byden þe bur þat he schal bede after.
Gawan got3 to þe gome, with giserne in honde,
& he baldly hym byde3, he bayst neuer þe helder