With þe barbe of þe bitte bi þe bare nek
Þaȝ he homered heterly, hurt hym no more,
Bot snyrt hym on þat on syde, þat seuered þe hyde;
Þe scharp schrank to þe flesche þurȝ þe schyre grece,
Þat þe schene blod over his schulderes schot to þe erþe.
& quen þe burne seȝ þe blode blenk on þe snawe,
He sprit forth spenne fote more þen a spere lenþe,
Hent heterly his helme, & on his hed cast,
Schot with his schuldereȝ his fayre schelde vnder,
Braydeȝ out a bryȝt sworde, & bremely he spekeȝ;