"Corsed worth cowarddyse & couetyse boþe!
In yow is vylany & vyse, þat vertue disstryeȝ."
Þenne he kaȝt to þe knot, & þe kest lawseȝ,
Brayde broþely þe belt to þe burne seluen:
"Lo! þer þe falssyng, foule mot hit falle!
For care of þy knokke cowardyse me taȝt
To a-corde me with couetyse, my kynde to for-sake,
Þat is larges & lewte, þat longeȝ to knyȝteȝ.
Now am I fawty, & falce, & ferde haf ben euer;
Of trecherye & vn-trawþe boþe bityde sorȝe