Þat is ho þat is at home, þe auncian lady;
Ho is euen þyn aunt, Arþureȝ half suster,
Þe duches doȝter of Tyntagelle, þat dere Vter after
Hade Arþur vpon, þat aþel is nowþe.
Þerfore I eþe þe, haþel, to com to þy naunt,
Make myry in my hous, my meny þe louies,
& I wol þe as wel, wyȝe, bi my faythe,
As any gome vnder God, for þy grete trauþe."
& he nikked hym naye, he nolde bi no wayes;
Þay acolen & kyssen, [bikennen] ayþer oþer