Þe kay fot on þe folde he be-fore sette,
Let hit doun ly3tly ly3t on þe naked,
Þat þe scharp of þe schalk schyndered þe bones,
& schrank þur3 þe schyire grece, & scade hit in twynne,
Þat þe bit of þe broun stel bot on þe grounde.
Þe fayre hede fro þe halce hit [felle] to þe erþe,
Þat fele hit foyned wyth her fete, þere hit forth roled;
Þe blod brayd fro þe body, þat blykked on þe grene;
& nawþer faltered ne fel þe freke neuer þe helder,
Bot styþly he start forth vpon styf schonkes,