Now ar þay stoken of sturne werk staf-ful her hond.
Gawan wat3 glad to be-gynne þose gomne3 in halle,
Bot þa3 þe ende be heuy, haf 3e no wonder;
For þa3 men ben mery in mynde, quen þay han mayn drynk,
A 3ere 3ernes ful 3erne, & 3elde3 neuer lyke,
Þe forme to þe fynisment folde3 ful selden.
For-þi þis 3ol ouer-3ede, & þe 3ere after,
& vche sesoun serlepes sued after oþer;
After crysten-masse com þe crabbed lentoun,
Þat frayste3 flesch wyth þe fysche & fode more symple