Þenne þe best of þe bur3 bo3ed to-geder,
Aywan, & Errik, & oþer ful mony,
Sir Doddinaual de Sauage, þe duk of Clarence,
Launcelot, & Lyonel, & Lucan þe gode,
Sir Boos, & sir Byduer, big men boþe,
& mony oþer menskful, with Mador de la Port.
Alle þis compayny of court com þe kyng nerre,
For to counseyl þe kny3t, with care at her hert;
Þere wat3 much derue1 doel driuen in þe sale,
Þat so worthe as Wawan schulde wende on þat ernde,