Aske3 erly hys arme3, & alle were þay bro3t
Fyrst a tule tapit, ty3t ouer þe flet,
& miche wat3 þe gyld gere þat glent þer alofte;
Þe stif mon steppe3 þeron, & þe stel hondole3,
Dubbed in a dublet of a dere tars,
& syþen a crafty capados, closed aloft,
Þat wyth a bry3t blaunner was bounden with-inne;
Þenne set þay þe sabatoun3 vpon þe segge fote3,
His lege3 lapped in stel with luflych greue3,
With polayne3 piched þer-to, policed ful clene,