Þat quen he blusched þerto, his belde neuer payred.
Þe fyrst1 fyue þat I finde þat þe frek vsed,
Wat3 fraunchyse, & fela3schyp for-be2 al þyng;
His clannes & his cortaysye croked were neuer,
& pite, þat passe3 alle poynte3, þyse pure fyue
Were harder happed on þat haþel þen on any oþer.
Now alle þese fyue syþe3, forsoþe, were fetled on þis kny3t,
& vchone halched in oþer, þat non ende hade,
& fyched vpon fyue poynte3, þat fayld neuer,
Ne samned neuer in no syde, ne sundred nouþ[er],