Þer he fonde no3t hym byfore þe fare þat he lyked;
Hade he no fere bot his fole, bi frythe3 & doune3,
Ne no gome bot God, bi gate wyth to karp,
Til þat he ne3ed ful noghe1 in to þe Norþe Wale3;
Alle þe iles of Anglesay on lyft half he halde3,
& fare3 ouer þe forde3 by þe for-londe3,
Ouer at þe Holy-Hede, til he hade eft bonk
In þe wyldrenesse of Wyrale; wonde þer bot lyte
Þat auþer God oþer gome wyth goud hert louied.
& ay he frayned, as he ferde, at freke3 þat he met,